दक्षिण कोरियाली कम्पनी सामसुङले स्क्रिन पट्याउन मिल्ने (फोल्ड हुने) नयाँ स्मार्टफोन ल्याउने भएको छ । एउटा टेक वेबसाइट ग्यालेक्सी क्लबका अनुसार, सामसुङले आउँदो वर्ष (सन् २०१७) मा स्क्रिन फोल्ड हुने नयाँ स्मार्टफोन ल्याउने छ ।
त्यस वेबसाइटले सामसुङको एउटा कोरियाली पेटेन्ट आवेदन फेलापारेको छ, जसमा सामसुङ फोल्ड हुने फोन लन्च गर्ने तयारीमा रहेको उल्लेख छ । यस्तै अन्य प्रविधिसम्बन्धी अनलाइनहरूले समेत सामसुङले ल्याउन लागेको पट्याउन मिल्ने फोनको नाम ग्यालेक्सी एक्स हुने अनुमान गरेका छन् । यसरी पट्याउन मिल्ने स्मार्टफोनको ब्याट्री कस्तो हुनेहोला भन्ने विषयमा विशेषज्ञहरूबीच एकमत बन्न सकेको छैन । सामसुङले सन् २०११ मा फोल्ड गर्न मिल्ने स्मार्टफोनको डमी बनाएर सार्वजनिक गरेको थियो ।
0 comments