– अजय शर्मा,
भनाइ नै छ नि ! ‘अ स्टिच इन टाइम सेभ्स नाइन’ अर्थात् समयमा लगाइएको एउटा टाँकाले नौ टाँका जोगाउँछ । त्यस्तै समयमै कम्प्युटरलाई जोगाउन गरिने सुरक्षा सम्बन्धि काम पनि यस्तै बुद्धिमानीपूर्ण काम हो । चाहे त्यो बजारमा पाइने एन्टी भाइरस, निःशुल्क पाइने एन्टी भाइरस वा त्यस्तै कुनै सफ्टवेयर राखेर होस् ।
नेपाली बजारमा उपलब्ध विभिन्न नामका किन्नुपर्ने तथा सित्तैमा पाइने एन्टी भाइरस सफ्टवेयर थुर्पै छन् । यी एन्टी भाइरसका बीचमा एउटा यस्तो सुरक्षा सफ्वेयर छ, जो सित्तैमा उपलब्ध हुन्छ । त्यति मात्र होइन, किनेको एन्टी भाइरस सफ्टवेयर भन्दा पनि राम्रो काम गर्छ भन्दा पत्यार नलाग्न सक्छ । त्यो हो माइक्रोसफ्ट सेक्यूरिटी इसेन्सीएल्स । माइक्रोसफ्टको विन्डोज अपरेटीङ सिस्टममा चलाउन मिल्ने यो सुरक्षा सफ्वेयर अर्थात् एन्टीभाइरस (माइक्रोसफ्ट सेक्यूरिटी इसेन्सीएल्स) सबैका लागि इन्टरनेटमा निःशुल्क उपलब्ध छ ।
यदि तपाईं पनि आफ्नो कम्प्युटरलाई भाइरस मुक्त बनाउन चाहनुहुन्छ तर तपाईसँग रकम अभाव छ अथवा निःशुल्क वा सशुल्क पाइने एन्टी भाइरस सफ्टवेयरबाट आजित हुनु भएको छ । त्यसो हो भने यसपटक हामी तपाईंलाई पैसा नपर्ने तर कम्प्यूटरलाई पूर्ण सुरक्षित गर्ने सफ्टवेयर (माइक्रोसफ्ट सेक्यूरिटी इसेन्सिएल्स) का बारेमा चर्चा गछौँ ।
कम्प्युटरको दुनियामा एक छत्र प्रभुत्व जमाउन सफल कम्पनी माइक्रोसफ्टले उपलब्ध गराइरहेको सुरक्षा सफ्टवेयर हो, माइक्रोसफ्ट सेक्यूरिटी इसेन्सिएल्स । यसले कम्प्युटरलाई पूर्णरुपमा भाइरसबाट मुक्त गराउने मात्र नभई इमेल तथा इन्टरनेटबाट आउने विभिन्न प्रकारका स्पाइवेयर, मालवेयर र अन्य यस्तै खतराबाट कम्प्युटरलाई मुक्त गराउछ ।
माइक्रोसफ्ट सेक्यूरिटी इसेन्सीएल्सका मुख्य विशेषताः
१. कम्प्युटरमा आउने विभिन्न खाले सुरक्षा धम्कीबाट संरक्षण गर्छ र सुसूचित गराउँछ ।
२. पेन ड्राइभ, सिडि, डिभिडि जस्ता रिमुवेभल मिडिया मार्फत् हुने विभिन्न खाले भाइरस, मालवेयर र स्पाइवेरको आक्रमणबाट जोगाउँछ ।
३. सरल र सहज इन्टरफेस भएकाले चलाउन सजिलो छ ।
४. इन्टरनेट तथा इमेलबाट हुने स्माप, फिसिङ्, स्पाइवेयर, मालवेयर लगायतका सम्भावित जोखिमबाट सुरक्षा प्रदान गर्छ ।
५. यो माइक्रोसफ्टले आफैले बनाएको सुरक्षा सफ्टवेयर हो । त्यसैले अपरेटिङ् सिस्टमको आफ्नै सुरक्षा सफ्टवेयर प्रयोग गर्नु भनेको अर्को फाइदाजनक कुरा हो, यसले पुरै सिस्टममा पूर्ण नियन्त्रण राख्न सक्षम छ । कतिपय समयमा किनेका एन्टी भाइरस सफ्टवेयरले समेत विन्डोज सिस्टम फाइल तथा फोल्डरलाई भाइरस र मालवेयर देखाउछन् । त्यसैले जुन ओएस चलाउदैँ हुनुहुन्छ त्यसैको सुरक्षा सफ्टवेयर राख्नु भनेको तपाईंका लागि अर्को फाइदाजनक कुरा हो ।
६. यो विन्डोज भिस्टा, विन्डोज सेभेनमा समेत काम गर्छ । माइक्रोसफ्ट सेक्यूरिटि इसेन्सिएल्समा अटो फिचर रहेकाले आफै अपडेट र कम्प्युटर तथा रिमुभेवल डिभाइसलाई अटो स्क्यान समेत गर्छ ।
७. माइक्रोसफ्टले आफ्नो अपरेटीङ सिस्टमलाई सुरक्षित गर्नका लागि विकास गरेको यो सुरक्षा सफ्टवेयर हो । यो एक एन्टी स्पाइवेयर सफ्टवेयर मात्र होइन, यो त अन्य एन्टी भाइरस जस्तै सुरक्षा सफ्टवेयर हो ।
८. यसले अन्य एन्टी भाइरस सफ्टवेयरले जस्तो कम्प्युटरलाई न धिमा बनाउँछ न त लाइसेन्स एक्सपाएर हुने झण्झट नै छ ।
९. साथै यसले कम्प्युटरमा रहेका सफ्टवेयरलाई समेत अझबढि सुरक्षित बनाउछ, त्यति मात्र होइन यो सित्तैमा उपलब्ध छ । माइक्रोसफ्ट इसेन्सियल्स एकदमै भरपर्दो छ । एक पटक प्रयोग गरी त हेर्नुहोस् ।
उसो भए कसरी माइक्रोसफ्ट सेक्यूरिटी इसेन्सीएल्स कम्प्यूटरमा राख्ने ?
१. यदि तपाईंको कम्प्युटरमा पहिले नै कुनै एन्टी भाइरस सफ्टवेयर राख्नु भएको छ भने माइक्रोसफ्ट सेक्यूरिटि इसेन्सियल्स राख्नु अघि अनइन्सटल गर्नुहोस् ।
२. माइक्रोसफ्ट सेक्यूरिटि इसेन्सियल्स कम्प्यूटरमा राख्नलाई तपाईंको कम्प्युटरमा विन्डोज भिस्टा, विन्डोज सेभेन, हुनु पर्छ । यो खासगरी आधिकारिक लाइसेन्स भएको विन्डोजमा मात्र राम्रोसँग काम गर्छ ।
३. कम्प्युटरमा कुनै ब्राउजर खोल्नुहोस वेव ठेगानामा
https://support.microsoft.com/en-us/help/14210/security-essentials-download राख्नुहोस् । अथवा गुगलमा गएर
Microsoft Security Essentials सर्च गर्नुहोस् सर्चमा पहिलो नतिजमामा क्लिक गर्नुहोस् ।
४. पेज खुलेपछि तपाईंले त्यहाँ विभिन्न भाषा र भर्सन देख्नुहुनेछ । त्यहाँ उपलब्ध मध्ये चाहेका भाषा र भर्सन रोज्नुहोस् ।
५. माइक्रोसफ्ट सेक्यूरिटि इसेन्सियल्स निलो रंगमा रहेको लिंक क्लिक गर्नुहोस् । करिब १४ एमबीको यो सुरक्षा सफ्टवेयर अन्य फाइलको तुलनामा छिट्टै डाउनलोड हुन्छ ।
६. डाउनलोड गरिसकेपछि
mseinstall.exe फाइललाई डबल क्लिक गर्नुहोस् । त्यसपछि माइक्रोसफ्ट सेक्यूरिटि इसेन्सियल्स इन्सटल हुन शुरु हुनेछ ।
७.
Next मा क्लिक गर्नुहोस्, त्यसपछि
I Accept मा क्लिक गर्नुहोस् ।
८. त्यसपछि
Join the Customer Experience Improvement Program or I do not want to join the program at this time रेडियो वटनमा क्लिक गर्नुहोस् ।
९. क्लिक
Next क्लिक
Finish त्यसपछि माइक्रोसफ्ट सेक्यूरिटि इसेन्सियल्स तपाईंको कम्प्युटरमा इन्टल हुनेछ । टाक्स बारमा यो
आईकन क्लिक गरेर माइक्रोसफ्ट सेक्यूरिटि इसेन्सियल्स प्रोग्राम खोल्न सक्नुहुनेछ । त्यहाँ रहेका
Quick, Full / Custom स्कान विकल्प मध्ये कुनै एक छानेर
Scan वटन थिच्नुहोस् ।
युवा मञ्चको कार्तिक अङ्कमा 'टेक्नो मित्र' स्तम्भमा प्रकाशित सूचना प्रविधि सम्बन्धि जानकारीमूलक लेख ।
