नोकियाले ल्याउन लागेको 'ए १' एन्ड्रोइड स्मार्टफोनको तस्विर लिक भयो

लामो समयदेखि नोकियाको एन्ड्रोइड स्मार्टफोनका बारेमा निकै चर्चा चल्दै आएको छ ।

एन्ड्रोइड अथोरिटीले लिक भएका तस्वीरहरू नोकियाले ल्याउन लागेको एन्ड्रोइड अपरेटिङ सिस्टम (अोएस)मा अाधारित 'ए १' को रहेको दावी गरेको छ । साथै 'ए १' नोकिया स्मार्टफोनको अगाडी र पछाडीको लिक भएका तस्वीर समेत सार्वजनिक भएका छन् ।

हेर्दा मध्यम रेन्जको देखिने यो स्मार्टफोनमा ५.५ इन्चको स्क्रीन डिस्प्ले, स्न्यापड्रायगन (Snapdragon) प्रोसेसर, टेक्सटच प्लाष्टिक डिजाइ रहेको छ । यसको पछिल्लो भागमा ठूलो क्यामरा र स्पिकर रहने छ । नोकियाले ल्याउन लागेको 'ए १' मा एन्ड्रोइड ओएस रहने छ, साथै यसमा हाल नोकियाले प्रयोग गरिरहेको जेड लन्चरले समेत काम गर्ने छ ।