स्मार्टफोनको ब्याट्री लाइफ बढाउन यी एप्स राख्नुहोस्

स्मार्टफोनको ब्याट्री सकिएर हैरान हुनुभएको छ ? चलाउँदा काइदाको स्मार्टफोन छिटो ब्याट्री सकिँदा प्रयोगकर्ताका लागि ठूलो समस्याको विषय बन्न पुगेको छ ।
स्मार्टफोनको ब्याट्री बचाउने विभिन्न उपाय हुनसक्छन् ।  यहाँ हामी ब्याट्री बचत गर्न सहयोगी एप्लिकेसनका बारेमा चर्चा गर्नेछौँ:

डियु ब्याट्री सेभर
डियु ब्याट्री सेभर एन्ड्रोइड मोबाइल प्रयोगकर्ता माझ सबैभन्दा लोकप्रिय एप हो ।  यो एपको सहयोगमा ब्याट्रीको वर्तमान अवस्था, स्वास्थ्य, तापक्रम लगायतका विषयमा अनुगमन गर्न सकिन्छ ।  साथै यो एप्लिकेसनको सहायताले ब्याकग्राउन्डमा चलिरहेका र काम नलाग्ने एप्लिकेसनलाई बन्दसमेत गर्न सकिन्छ ।  यो एप्लिकेसन निर्माण गर्ने कम्पनीले यो एपको प्रयोगबाट स्मार्टफोनको ब्याट्री लाईफ ५० प्रतिशतसम्म बढाउने दाबी गरेको छ ।  यो एप गुगल प्ले स्टोरबाट निःशुल्क डाउनलोड गर्न सकिन्छ । 

जुस डिफेन्डर एन्ड ब्याट्री सेभर
एन्ड्रोइड फोनको ब्याट्री बचत गर्ने एप मध्ये जुस डिफेन्डर एन्ड ब्याट्री सेभर पनि उत्तिकै उपयोगी छ ।  यसको मद्दतले ब्याट्री बचत गर्नमात्र होइन मोबाइल डाटा, वाईफाई डाटाको खपतको जानकारी प्राप्त गर्न सकिन्छ ।  साथै यो एप चलाउन सजिलोसमेत छ । 

ब्याट्री सेभर २०१६
एन्ड्रोइड फोनको ब्याट्री बचत गर्ने एप्स मध्ये लोकप्रिय एप हो, ब्याट्री सेभर २०१६ ।  यो एपले मोबाइलमा कुन कुन एपले ब्याट्री खपत धेरै गर्ने गर्छन् भन्ने जानकारी दिने गर्दछ ।  यसमा मोबाइल डाटा, वाईफाई डाटा, जीपीएस, ब्लूटुथको टोजल्स् राखिएका छन्, जसको माध्यमबाट प्रयोगकर्ता मोबाइल सेटिङमा नगई यी सेवा सूचारू गर्न तथा रद्ध गर्न सक्छन् । 

इजी ब्याट्री सेभर
मोबाइलको ब्याट्री सेभ गर्नका लागि बनाइएको एन्ड्रोइड एप्लिकेसन हो, इजी ब्याट्री सेभर ।  यो एप प्रयोगकर्तामैत्री छ । 

ब्याट्री डक्टर (ब्याट्री सेभर)
यो एपले मोबाइलमा कति प्रतिशत ब्याट्री बाँकी छ भन्ने जानकारी दिन्छ यसमा तीनवटा युनिक चार्ज साइकल दिइएको छ, जसले गर्दा फोनको चार्जिङ स्पीड पनि बढ्छ ।  साथै ब्याट्री चाँढै सकिन भूमिका खेल्ने एप तथा ब्लुटुथ, वाईफाईलाई आफै बन्द गरिदिन्छ । 

अभास्ट ब्याट्री सेभर
ब्याट्री बचत गर्ने अर्को एप हो– अभास्ट ब्याट्री सेभर ।  यो एपले पनि ब्याट्री बचत गर्न मद्दत गर्छ ।  यसले फोनको ब्याट्रि बचाउनुका साथै फोनको गतिलाई समेत बढाउन सहयोग गर्छ । 

ग्रिनिफाइ
ग्रिनिफाई रुट तथा नन–रुट मोबाइल प्रयोगकर्ताका लागि उपयोगी ब्याट्री बचत एप हो ।  यसले मोबाइलमा कुन कुन एप्सले मोबाइल डिभाइसलाई प्रयोगमा ल्याइरहेका छन् वा कुन एप्सले ब्याट्री खपत धेरै गरेका छन् भन्ने जानकारी दिन्छ । 
 
गो ब्याट्री सेभर एन्ड पावर विजेट
मोबाइलमा ब्याट्री अधिक खपत गर्ने वाईफाई, अडियो स्क्रिन ब्राइटनेस, एप्स, मोबाइल डाटा, ब्लुटुथ लगायतका फिचर तथा एपलाई यो एपले बन्द गर्छ ।  एन्ड्रोइड फोन प्रयोगकर्ताका लागि ब्याट्री खपत कम गर्न यो एक उपयोगी एप हो । 

एडभान्सड् मोबाइल केयर
एडभान्सड् मोबाइल केयर यस्तो एप हो जसमा एन्टीभाइरसका साथै ब्याट्री सेभर फिचरसमेत छ ।  यसले मोबाइलमा ब्याट्री खपत घटाउन र वाईफाई सेक्युरिटी समेत स्क्यान गर्न मद्दत गर्छ ।