भिडियो बर्थडे विशेष !

लोकप्रिय सामाजिक सञ्जाल फेसबुकले अबदेखि प्रयोगकर्ताको जन्मदिनमा बर्थडे रिक्याप भिडियो बनाइदिने भएको छ । 
फेसबुकले जन्मदिनको अघिल्लो दिन प्रयोगकर्ताको टाइमलाइनमा पोष्ट भएका शुभकामना तथा तस्बिरलाई भिडियो बनाइदिनेछ ।
सो भिडियो प्रयोकर्ताको न्यूजफिडको सबैभन्दा माथि देखिनेछ ।  साथै फेसबुक बनाइदिने यस्तो भिडियो प्रयोगकर्तालाई भिडियो सेयर गर्ने नगर्ने विकल्पसमेत दिनेछ । 
फेसबुकले तयार पारेको उक्त भिडियोलाई प्रयोगकर्ताले सम्पादन (इडिट)समेत गर्न सक्नेछन् ।  फेसबुकले प्रयोगकर्ताको टाइमलाइनमा जन्मदिनमा कम्तीमा पनि तीनवटा जन्मदिनको शुभकामना सन्देश तथा तस्बिर भएमा मात्र बर्थडे भिडियो तयार गरिदिनेछ ।