आयो मोबाइलमा टीभी प्याक अनलाइन टीभी हेर्ने सुविधा

निजी दूरसञ्चार प्रदायक कम्पनी एनसेलले आफ्ना ग्राहकका लागि ‘मोबाईल टीभी प्याक’ ल्याएको छ ।  यो प्याक अन्तर्गत एनसेल ग्राहकले मोबाईलमा अनलाइन टीभी हेर्न सक्ने छन् ।  यो प्याक सुचारु गर्ने ग्राहकले नेट टीभी एपमार्फत अनलाइन टीभी हेर्न सक्नेछन् ।  

नेट टीभी, एनआईटीभी स्ट्रिम्ज प्रालिको प्रोडक्ट हो र एनसेलले एनआईटीभी स्ट्रिम्ज्सँग यो मोबाईल टीभी सेवाका लागि सहकार्य गरेको बताएको छ । 

मोबाइल टीभी प्याक यस्ता छन्ः

एनसेलका ग्राहकले आफ्नो आवश्यकता अनुसार ३० मिनेट, एक घण्टा, दुई घण्टा र तीन घण्टाको टीभी प्याक खरिद गरी नेट टीभी एप प्रयोग गर्न सक्नेछन् ।  ३० मिनेटको प्याकको शुल्क ३५ रुपियाँ तोकिएको छ ।  एक घण्टाको प्याकको ६० रुपियाँ पर्दछ भने दुई घण्टा र तीन घण्टा प्याकको मूल्य क्रमशः १०० र १५० रुपियाँ निर्धारण गरिएको छ ।  प्याकका शुल्कमा कर समावेश नभएको एनसेलले बताएको छ । 

Package Duration	Price
30 Minutes	Rs 35
60 Minutes	Rs 60
1200 Minutes	Rs 100
180 Minutes	Rs 150

यी चारैवटा प्याक ग्राहकले प्रत्येक पटक प्याक खरिद गर्नुपर्ने वा सेवा प्रयोगको अवधि सकिएपछि स्वतः नवीकरण हुने दुई किसिमबाट यो सेवा सुचारु गर्न सक्छन् ।  प्रत्येक पटक लिन मिल्ने प्याक २४ घण्टाका लागि मात्र मान्य हुनेछ र स्वतः नवीकरण हुने प्याक हरेक मध्यरातमा स्वतः नवीकरण हुने बताइएको छ ।

प्याक खरिद गर्नका लागि ग्राहकले एस्ट्रिक १७१३३ ह्यास डायल गरि आफ्नो आवश्यकता अनुसारको प्याक खरिद गर्न सक्नेछन् ।  १७१३३ मा एसएमएस पठाएर पनि ग्राहकले यी प्याक खरिद गर्न सक्छन् ।  त्यस्तै, स्वतः नवीकरण हुने प्याक लिनका लागि अङ्ग्रेजीमा १ अनि स्पेस नछोडी अङ्गे्रजीको सानो अक्षरमा एचआर टाइप गरी १७१३३ मा पठाएर प्याक सुचारु गर्न सक्छन् ।