फेसबुकका भिडियो अब टिभीमा पनि हेर्न मिल्ने

लोकप्रिय सामाजिक सञ्जाल फेसबुक प्रयोगकर्ताका लागि खुसीको खबर छ ।  त्यो के भने अबदेखि फेसबुक प्रयोगकर्ताले नयाँ फिचरको माध्यमबाट टीभीमा भिडियो क्लीप हेर्न पाउने भएका छन् ।
अन्तर्राष्ट्रिय सञ्चारमाध्यमका अनुसार एप्पल टीभी, एयर प्ले डिभाइस, गुगल क्रोमकास्ट डिभाइसको माध्यमबाट आफ्नो प्रयोगकर्ताले भिडियो हेर्न सक्नेछन् ।  
यसरी भिडियो हेर्नका लागि प्रयोगकर्ताले पहिले भिडियो खोज्नुपर्ने हुन्छ, यसपछि टीभीमा आफूले हेर्न चाहेको उक्त डिभाइस छान्नुपर्छ ।  हाल यो फिचर आईओएस डिभाइसमा मात्र उपलब्ध छ ।  एन्ड्रोइडमा चाँडै यो फिचर आउने जनाइएको छ ।