नेपाल टेलिकमले ल्यायो नयाँ वर्ष अफर, यस्ता छन् सुविधा

नेपाल टेलिकमले नयाँ वर्षको सन्दर्भमा आफ्ना उपभोक्ताको थप सुविधाका लागि ‘नयाँ वर्ष अफर २०७५’ उपलब्ध गराउने भएको छ । उक्त अफर २०७५ वैशाख १ देखि लागू भई १५ गतेसम्म लिन सकिने टेलिकमले शुक्रबार विज्ञप्तिमार्फत जनाएको छ ।

अफर अन्तर्गत ह्यापी विकेन्ड प्याक, अनलिमिटेड जिएसएम-सिडिएमए नाइट डाटा प्याक, एडिएसएल भोलुम बेस्ट, एडिएसएल अनलिमिटेड प्याकेज रहेका छन् । जिएसएम÷सिडिएमए प्रिपेड-पोष्टपेड मोबाइलमा ह्यापी विकेण्ड प्याक अफर प्रयोग गर्न सकिनेछ । यो प्याकअन्तर्गत शुक्रबार, शनिबार र आइतबार प्रत्येक दिन एक जिबी डाटा प्रयोग गर्न सकिने छ । सो प्याक रु १०० मा प्राप्त हुनेछ र सात दिनसम्म यसको समयावधि हुने टेलिकमले जनाएको छ ।

अनलिमिटेड नाइट डाटा प्याकअन्तर्गत जिएसएम-सिडिएमए प्रिपेड-पोष्टपेड मोबाइलमा अनलिमिटेड नाइट डाटा प्याक प्रयोग गर्न सकिन्छ । त्यस्तै टेलिकमले एडिएसएल भोलुम वेस्ड प्याकेजअन्तर्गत रु २००मा १५ जिबी डाटा ३० दिनसम्म प्रयोग गर्न सकिने छ । त्यसैगरी रु ३०० मा २५ जिबी डाटा र रु ४०० मा ४० जिबी डाटा ३० दिनसम्म प्रयोग गर्न सकिने छ ।

एडिएसएल अनलिमिटेड प्याकेजअन्तर्गत रु ७०० मा अनलिमिटेड डाटा ३० दिनसम्म प्रयोग गर्न सकिने छ । त्यसैगरी रु तीन हजार ७५० को प्याकेजमा अनलिमिटेड डाटा १८० दिनसम्म र रु सात हजारको प्याकेजमा अनलिमिटेड डाटा ३६० दिनसम्म प्रयोग गर्न सकिने विज्ञप्तिमा उल्लेख छ ।

नेपाल टेलिकमको विज्ञप्ती सहितः

प्रेस विज्ञप्ति

नेपाल टेलिकमले नयाँ वर्षको सन्दर्भमा उपभोक्ताको थप सुविधाका लागि नयाँ वर्ष अफर २०७५ (New Year offer 2075) उपलब्ध गराउने भएको छ । उक्त अफर २०७५ बैशाख ०१ देखि लागू हुनेछ । अफर आगामी २०७५ बैशाख १५ गते सम्म लिन सकिने छ । एडीएसएल अफर भने ९० दिनसम्म लिन सकिने छ ।

१. ह्याप्पी विकेन्ड प्याक
जीएसएम/सीडीएमए प्रिपेड÷पोष्टपेड मोबाइलमा ह्याप्पी विकेन्ड प्याक अफर प्रयोग गर्न सकिन्छ । ह्याप्पी विकेन्ड प्याक अन्तर्गत शुक्रबार, शनिबार र आइतबार प्रत्येक दिन १ जीबी डाटा प्रयोग गर्न सकिने छ । सो प्याक एक सय रुपैयाँमा प्राप्त हुनेछ र सात दिनसम्म यसको समयावधि हुनेछ ।

२. अनलिमिटेड जीएसएम/सीडीएमए नाइट डाटा प्याक

जीएसएम÷सीडीएमए प्रिपेड/पोष्टपेड मोबाइलमा अनलिमिटेड नाइट डाटा प्याक प्रयोग गर्न सकिन्छ । अनलिमिटेड जीएसएम/सीडीएमए नाइट डाटा प्याक अन्तर्गत १५ रुपैयाँमा १ जीबी डाटा राती १० बजेदेखि बिहान ६ बजेसम्म चलाउन पाइने छ । डाटा खरिद गरेको एक दिन सम्म यसको अवधि हुनेछ । १ जीबी डाटा थ्रिजी÷फोरजीको गतिमा चल्ने छ र त्यसपछि २५६ केबीपीएसको गतिमा चल्ने छ ।

३. एडीएसएल भोलुम बेस्ड प्याकेज

नेपाल टेलिकमले ५ एमबीपीएससम्म गतिको एडीएसएल इन्टरनेट सेवा उपलब्ध गराइहेको छ । एडीएसएल भोलुम वेस्ड प्याकेज अन्तर्गत २ सय रुपैयाँमा १५ जीबी डाटा ३० दिनसम्म प्रयोग गर्न सकिने छ । त्यसैगरी ३ सय रुपैयाँमा २५ जीबी डाटा र ४ सय रुपैयाँमा ४० जीबी डाटा ३० दिनसम्म प्रयोग गर्न सकिने छ ।

४. एडीएसएल अनलिमीटेड प्याकेज

नेपाल टेलिकमले ५ एमबीपीएससम्म गतिको अनलिमिटेड एडीएसएल इन्टरनेट सेवा उपलब्ध गराइहेको छ । एडीएसएल अनलिमिटेड प्याकेज अन्तर्गत ७ सय रुपैयाँमा अनलिमिटेड डाटा ३० दिनसम्म प्रयोग गर्न सकिने छ । त्यसैगरी ३ हजार ७ सय ५० रुपैयाँको प्याकेजमा अनलिमिटेड डाटा १ सय ८० दिन सम्म र ७ हजार रुपैयाँको प्याकेजमा अनलिमिटेड डाटा ३ सय ६० दिनसम्म प्रयोग गर्न सकिने छ ।
विभिन्न प्याकेज प्राप्त गर्न ग्राहकले *1415# डायल गर्नु पर्नेछ । त्यसैगरी कम्पनीको वेबसाइट www.ntc.net.np मार्फत पनि यस सम्बन्धी विस्तृत जानकारी लिन सकिन्छ ।

प्रतिभा बैद्य

प्रवक्ता 

नेपाल टेलिकम

पुरै पढ्नुहोस ।

सावधान ! फेसबुकबाट फैलदै छ भाइरस

फेसबुक म्यासेन्जर वा वालमा तपाईंको नाम जोडिएर कुनै भिडियो लिंक र पोष्ट देख्नुभयो? यस्तो भिडियो रुपी भाइरस केही दिन यता फेसबुकमा फैलिरहेको छ । 
फेसबुकमा यस्ता लिंक देख्नु भएमा ख्याल गर्नु है, यस्ता लिंक असुरक्षित पनि हुन सक्छन् । सामाजिक सञ्जालमा ह्याकरले फिसिङ, ह्याकिङ वा भाइरस फैलाउने उद्देश्यले यस्ता लिंक पठाउने गरेका छन् । 
यदि तपाईंको फेसबुक लगायतका सामाजिक सञ्जालका एकाउन्टमा यस्ता गतिविधि देख्नु भयो भने त्यस्ता लिंक क्लिक नगर्नुहोस् । यस्ता लिंक क्लिक गर्दा तपाईंको  फेसबुक, ट्वीटर लगायतका एकाउन्ट ह्याक हुन सक्छन् ।
निम्न सुरक्षाका उपाय अपनाउनुहोस्
१) फेसबुकमा आउने यस्ता शंकास्पद लिंक वा भिडियो लिंक क्लिक नगर्ने ।
२) मोबाइल, ट्यावलेट, ल्यापटप लगायतका डिभाइसमा एन्टिभाइरस राख्ने ।
३) फेसबुकमा आएका लिंकबाट अनलाइन फाराम नभर्ने । अनलाइन फाराम भर्नुपरेमा आधिकारिक वेवसाइटमा गएर मात्र भर्ने ।
४) फेसबुकमा देखिने सामग्री आफूलाई शंकास्पद लागेमा रिपोर्ट गर्ने ।
५) नियमितरुपमा फेसबुकको पासवर्ड परिवर्तन गर्ने ।
६) फेसबुकमा प्रयोग हुने एपहरुको प्रयोग गर्दा सजग हुने । फेसबुकमा भविष्य बताउने, जोडि मिलाउने, व्यक्तित्व बताउने लगायतका विभिन्न एप उपलब्ध हुन्छन्, यी सबै एप सुरक्षित नहुन सक्छन् ।

- आईटी पाना

पुरै पढ्नुहोस ।

अमेरिकी सिनेटमा, मार्क जुकरबर्गले मागे माफी

फेसबुकका संस्थापक मार्क जुकरबर्ग डाटा लिक भएपछि निकै आलोचित बन्दै आएका छन् । मंगलबार अमेरिकी सिनेट समक्ष पेश गरिएका उनले डाटा लिक भएकोमा जिम्मेवारी लिदै माफि मागेका छन् ।

'यो मेरो गल्ति हो, यसका लागि मैले माफि माग्छु । मैले फेसबुक शुरू गरेको हुँ, मैले यो चलाउछु । यहाँ जे कुरा हुन्छ त्यसको सम्पूर्ण जिम्मेवारी मै हुँ ।' उनले भने ।

'अब यो स्पष्ट भयो कि हामी यो टुल्स (उपकरण)को गलत प्रयोग हुने कुरा रोक्न सकेनाै । हामी फेक न्युज, हेट स्पीच, चुनावमा विदेशि हस्तक्षेप, डाटा नोक्सान जस्ता कुरा रोक्न सकेनाै ।' जुकरबर्गले भने ।

अाफ्नो गल्ति स्वीकार्दै उनले टुल्स (उपकरण) बनाउने मात्र नभइ यसको गलत प्रयोग हुने कुरा प्रति ध्यान दिदै यसको सहि प्रयोग कसरी गर्न सकिन्छ भन्ने तर्फ ध्यान दिन अाग्रह गरे । - एजेन्सी / आईटी पाना

०००

मार्क जुकरबर्गको परिचय

फेसबुक नामक सामाजिक सञ्जाल का परिकल्पनाकार ३३ वर्षीय (सन २०१६ मा) यी अमेरिकी युवा विश्वका सबैभन्दा कम उमेरका अर्बपति हुन्। उनीसँग अहिले नै ७६ अर्ब अमेरिकी डलर बराबरको सम्पत्ति छ। जुन १५० खर्ब नेपाली रूपैयाँभन्दा बढी हो। फेसबुकको लोकप्रियतासँगै उनको यो सम्पत्तिमा पनि वृद्धि हुँदै जानेछ। अहिले फेसबुकमा आफ्नो एकाउन्ट खोल्ने व्यक्तिहरूको संख्या ५० करोड नाघेको छ। विश्वभर एकसाथ १५० करोडभन्दा बढी व्यक्ति यो सोसियल नेटवर्कसँग जोडिएका हुन्छन्।

फेसबुकको यही लोकप्रियतालाई ध्यानमा राख्दै टाइम म्यागाजिनले यो वर्ष मार्कलाई वर्ष व्यक्तित्व २०१०को सम्मान दिएको छ। उक्त म्यागजिनले यति कम उमेरका व्यक्तिलाई यस्तो पद विरलै दिएको छ। यसअघि १९२७मा अमेरिकी विमान चालक चाल्न लिन्डवर्ग तथा १९५२मा बिर्टेनकी महारानी एलिजाबेथ द्वितीयलाई कम उमेरमै वर्ष व्यक्तित्व घोषणा गरिएको थियो। विमान चालक तथा बेलायती महारानी दुवै उक्त सम्मान पाउँदा २६ वर्षका थिए।

सन् २००४मा हार्वर्ड युनिभर्सिटीमा अध्ययन गर्दागर्दै मार्कले विश्वलाई जोड्ने एउटा सेतु निर्माण गर्ने योजनाका साथ फेसबुकको निर्माण गरेका थिए। केही साथीको सहयोगमा खुलेको यो साइटका लागि काम गर्ने कर्मचारीको संख्या अहिले १ हजार ७ सय छ। सबैभन्दा रमाइलो कुरा यो साइटमा काम गर्ने अधिकांश कर्मचारी उनीभन्दा बढी उमेरका छन्। साइटलाई विवादरहित एवं लोकप्रिय बनाउन जुबेरवर्गले ११ जना विशेषज्ञ राखेका छन्। स्रोतः विकिपिडिया ।

पुरै पढ्नुहोस ।

गलत म्यासेज गयो ? चिन्ता नलिनुस् अब फेसबुकमा पनि म्यासेज फिर्ता लिन सकिन्छ

कहिलेकाहीँ पठाइएका म्यासेजका कारण पछुताउनु त परेको छैन ? म्यासेजका कारण ठूलो पश्चताप वा बर्बादीको विषय हुनसक्छ । तर, अब चिन्ता नलिनुस् किनकी यस्तै कुरालाइ सम्बोधन गर्न सामाजिक सञ्जाल फेसबुकले पठाएको म्यासेज फिर्ता लिन मिल्ने ‘अनसेन्ड’ फिचर ल्याउने भएको छ ।

मिडिया रिपोटका अनुसार फेसबुकले म्यासेन्जमा यस्तो फिचरका लागि अहिले काम गरिरहेको छ । करिब १ अर्बभन्दा बढीले चलाउने फेसबुकमा प्रयोगकर्ताले म्यासेज डिलिट गर्दा आफ्नो म्यासेज बक्सबाट मात्र हट्ने तर साथीको इनबक्समा चाहिँ यथावत् रहने गरेको थियो ।
 त्यसो त इस्टाग्राम र वाट्सएपमा यस अघि नै ‘अनसेन्ड’ फिचर उपलब्ध रहेको छ । यो नयाँ फिचर अन्तरगत अबदेखि फेसबुकका प्रयोगकर्ताले आफूले पठाएको म्यासेज फिर्ता लिन सक्नेछन् ।
- एजेन्सी / आईटी पाना

पुरै पढ्नुहोस ।

एकै पटक १३७२ रोबोटको ‘डान्स’, बन्यो ‘वल्र्ड रेकर्ड’ (भिडियो सहित)

अचम्म लाग्दा काम गरेर मान्छेहरु गिनिज बुक अफ वल्र्ड रेकर्डमा नाम लेखाउँछन् । विश्वका मान्छेहरुका अनेकन रहर र चाहना अनुरुप आफुलाई चर्चामा ल्याउनका लागि अचम्म अचम्मका काम तरिका अपनाउँछन् । केही मानिसहरु पुराना रेकर्ड तोडेर आफ्नो नाम लेखाउन कोशिस गरिरहन्छन् ।
तर यसपटक भने मानिसले होइन रोवटले गिनिज बुक अफ वल्र्ड रेकर्डमा नाम लेखाएका छन् । केही दिन अघि मात्र इटलीको रोममा एक हजार ३ सय ७२ रोबोटले एक साथ सङ्गीतको धुनमा नाचेर गिनिज बुक अफ वल्र्ड रेकर्ड कायम गर्न सफल भएका छन् । सन् २०१६ देखि विभिन्न कम्पनीले नृत्य गर्ने रोबोटको टिम तयार पारिरहेका थिए । कम्पनी यस्ता रोबोटलाई एकैसाथ नृत्य गराएर वल्र्ड रेकर्ड कायम गर्ने होडमा रहेका छन् । यो रेकर्ड अल्फा वान एस रोबोटको टिमले कायम गरेको हो । आल्मुनियमबाट निर्मित यी रोबोटको उचाइ ४० सेन्टिमिटर रहेको छ । २०१७ को अगस्टमा चीनमा १ हजार ६९ डोबी रोबोटले नृत्य गरेर विश्व रेकर्ड कायम गरेका थिए ।

पुरै पढ्नुहोस ।

काठमाडौँका सम्पदा क्षेत्रमा फ्रि वाइफाइ स्पट

काठमाडौं महानगरपालिकाले विभिन्न स्थानमा सर्वसाधारणका लागि फ्रि वाइफाइ स्पट स्थापना गर्ने भएको छ ।

काठमाडौँ महानगरपालिकाको घोषित नीति अनुरुप महानगरपालिकाले उपत्यकाका ६ वटा सम्पदा क्षेत्रमा फ्रि वाइफाइ सेवा उपलब्ध गराउन लागेको महानगरपालिकाले जनाएको छ ।
फ्रि वाइफाइ सेवा काठमाडौं महानगरपालिका र वल्र्ड लिंकको संयुक्त पहलमा पहिलो चरणमा बसन्तपुर, बौद्ध, स्वयम्भू, शंखपार्क, वालाजु वाइसधारा र पशुपति क्षेत्रमा आगामी दुई महिना भित्र निःशुल्क वाइफाई सेवा सुचारु हुनेछन् ।
एक कार्यक्रमबीच गत आइतबार यो सेवा सूचारु गर्न काठमाडौं महानगरपाकिलाका शासकीय अधिकृत धनिराम शर्मा र वल्र्ड लिकंंका निर्देशक विजयकुमार जलानले सम्झौतापत्रमा हस्ताक्षर भएको छ ।
सम्झौता बमोजिम पहिलो चरणमा ६० दिनभित्र वल्र्ड लिंकले काठमाडौँ महानगरपालिका क्षेत्रभित्रका पशुपतिनाथ, बौद्ध, शंखपार्क, बालाजु बाईसधारा उद्यान, स्वयम्भुनाथ र बसन्तपुर हनुमानढोका दरवार क्षेत्रमा १० एमवीपीएस क्षमताको फ्रि वाइफाइ इन्टरनेट सेवा उपलब्ध गराउन आवश्यक पूर्वाधार विकास गरी सेवा सञ्चान गर्नुपर्नेछ ।
साथै वाइफाइ इन्टरनेट प्रयोगकर्ताको संख्या बृद्धि भएसँगै सेवा प्रदायक कम्पनीले आफ्नो क्षमता समेत बृद्धि गदैँ लानुपर्ने व्यवस्था सम्झौतामा रहेको छ । आगामीदिनमा काठमाडौँ महानगर क्षेत्रभित्रका अन्य स्थानहरुमा समेत क्रमशः फ्रि वाइफाइ इन्टरनेट सेवा थप गर्न सकिने प्रबन्ध गरिएको महानगरपालिकाले जनाएको छ ।  महानगरपालिका अनुसार प्रतिदिन एकपटक वा पटक पटक गरी एकजना प्रयोगकर्ताले ३० मिनेटसम्म फ्रि वाइफाइ इन्टरनेट सेवा प्रयोग गर्न पाउनेछन् ।
काठमाडौँ महानगरपालिकाका मेयर विद्यासुन्दर शाक्यले करिब ११ महिना वर्षअघि निर्वाचनमा जाँदा काठमाडौंमा वाइफाइ फ्रि गर्ने घोषणा गर्नुभएको थियो । उहाँ मेयर निर्वाचिचत भए पछि ६ काठमाडौँ महानगरका ६ स्थानमा पहिलो चरणमा फ्रि वाइफाइ सेवा दिने काम अघि बढाएको छ ।
सम्झौता बमोजिम महानगरपाकिलाका ६ वटा सम्पदा क्षेत्रहरुमा आउँदो ६० दिनभित्र वल्र्ड लिंकले सेवा जडान गरिसक्नेछ । यदि यसो हुन नसकेको अवस्थामा महानगरको अनुमति लिएर थप १ महिना समय थप गरेर वाईफाइ जडान हुनेछ । त्यस अवधिमा पनि जडान हुन नसके सम्झौता स्वत रद्द हुनेछ ।

पुरै पढ्नुहोस ।

गुगलले बन्द गर्न लाग्यो यो सेवा

के तपाईले गुगलको युआरएल छोटो पार्ने सेवा (युआरएल सर्टनर- goo.gl) प्रयोग गर्दै आउनु भएको छ? यदि त्यसो हो भने तपाईले यो सेवा सन् २०१९ मार्च ३० सम्म मात्र प्रयोग गर्न पाउनुहुनेछ ।

गुगलले सन् २००९ देखि सुरु गरेको यो युआरएल सर्टनरलाई २०१८ अप्रिल १३ सम्ममात्र हालका प्रयोगकर्ताले यो सेवा प्रयोग गर्न पाउनेछन् । साथै सन् २०१८ मार्च ३० देखि सपोर्ट नगर्ने र २०१९ मार्च ३० मा यो सेवा पूर्ण रुपमा बन्द हुने गुगलले आफ्नो ब्लगमा उल्लेख गरेको छ ।
गुगलले प्रयोगकर्ताका लागि अन्य लिंक सर्टनरको विकल्प रहेको भन्दै आफ्नो सेवा बन्द गर्ने घोषणा गरेको हो ।
युआरएल सर्टनरका लागि गुगल युआरएल सर्टनरको विकल्पमा प्रयोग हुने युआरएल सर्टनरमा bit.ly, t.co, ow.ly, TinyURL.com  लगायतका युआरएल सर्टनर धेरै प्रयोग हुने युआरएल सर्टनर मध्यमा पर्छन् ।

यी हुन् १० उत्कृष्ट युआरएल सर्टनर 
१) Bitly.com
२) TinyURL.com
३) Ow.ly
४) Is.gd
५) Buff.ly
६) AdF.ly
७) Bit.do
८) Mcaf.ee
९) Tiny.cc
१०) Cli.gs

पुरै पढ्नुहोस ।

कुरा गर्दा गदैँ ब्यालेन्स सकियो ‘नमस्ते क्रेडिट’ लिनुहोस्

नेपाल टेलिकमले प्रिपेड मोबाइलमा ब्यालेन्स सापटी लिन सकिने ‘नमस्ते क्रेडिट’ सेवा शुरु गरेको छ ।
कम्पनीले आफ्ना ग्राहकलाई जीएसएम तथा सीडीएमए प्रिपेड मोबाइलमा कल गर्दा गर्दै ब्यालेन्स सकिएमा सापटी रकमबाट कललाई निरन्तरता दिन सकिने जनाएको छ । यस्तो सापटी रकम ५ रुपैयाँ देखि ४० रुपैयाँ सम्म उपलव्ध हुने छ । सो रकम पछि गरिने रिचार्ज रकमबाट काटिने छ । टेलिकमका अनुसार यसरी सापटी लिँदा ग्राहकले लिएको रकममा व्याज वा अन्य कुनै कर लाग्ने छैन । 

नेपाल टेलिकमका प्रबन्ध निर्देशक कामिनी राजभण्डारीले कम्तिमा ३ महिना पहिले देखि प्रयोगमा रहेको सिममा मात्र यो सुविधा उपलब्ध हुने जानारी दिनुभयो । टेलिकमका प्रयोगकर्ताले कति रकम सापटी लिन सकिन्छ भन्ने वारेमा जानकारी लिनका लागि START लेखेर १४७७ मा एसएमएस पठाउन सक्नेछन् । त्यसैगरी यो सेवा बन्द गर्नका लागि STOP लेखेर र फेरि यही सुविधा सुचारु गर्नका लागि क्त्ब्च्त् लेखेर १४७७ मा एसएमएस पठाउन सकिन्छ । एक पटक लिएको सापटी रकम तिरेपछि फेरि अर्को पटक पनि सापटी लिन सकिने टेलिकमले जनाएको छ । सापटी रकमको प्रयोग गरी कल गर्नका साथै एसएमएस गर्न र डाटा चलाउन समेत सकिनेछ । 

यो सेवाको शुभारम्भ सञ्चार तथा सूचना प्रविधि राज्यमन्त्री गोकुल प्रसाद बाँस्कोटाले यहि चैत १६ गते एक कार्यक्रमकाबीच गर्नुभएको हो । सो अवसरमा उहाँले नेपालमै पहिलो पटक प्रिपेड सेवा शुरु गरेको नेपाल टेलिकमले ग्राहकको सहजताका लागि नमस्ते क्रेडिट सेवा शुभारम्भ गरेको बताउनुभयो । 

यस्तै नेपाल टेलिकमका प्रबन्ध निर्देशक कामिनी राजभण्डारीले कम्पनीको गौरवशाली यात्रामा नमस्ते क्रेडिट सेवा अर्को कोशेढुंगा सावित हुने बताउनुभयो । उहाँले कम्पनीका ग्राहकले ब्यालेन्स सकिए पनि सापटी रकमबाट निरन्तर सेवा उपभोग गर्न सक्ने बताउँदै यसबाट कम्पनीप्रति ग्राहकमा थप विश्वास जागृत हुने विश्वास व्यक्त गनुृभयो ।
यसरी सापटी वातप लिइएको रकमको प्रयोग गरी कल गर्नका साथै एसएमएस गर्न र डाटा चलाउन पनि सकिन्छ ।  - अजय शर्मा

पुरै पढ्नुहोस ।

विश्वकै सानो ‘फोर जी’ स्मार्टफोन

चीनको एक कम्पनीले विश्वकै सानो ‘फोर जी’ स्मार्टफोन बजारमा ल्याएको छ ।
सानो ‘फोर जी’ स्मार्टफोन उत्पादन गर्ने चिनिया कम्पनी ‘युनिहर्टज’ले आफूले उत्पादन गरेको यो फोन विश्वको सबैभन्दा सानो ‘फोर जी’ स्मार्टफोन भएको दावी गरेको छ ।

‘जेली’ नामको यो स्मार्टफोन हामीले लगाउने जिन्स पाइन्टको सिक्का राख्ने खल्तिमा सजिलै अटाउँछ । कम्पनीको वेवसाइटमा कसरत, मर्निङ वाक, योगा गर्दा पाखुरामा बाँध्दा भद्दा र भारी अनुभव नहुने सानो साइजको स्मार्ट फोन उत्पादन गरेको उल्लेख छ ।
विश्वकै सानो स्मार्ट फोन भनि प्रचार गरिएको यो स्मार्टफोन हामीले प्रयोग गर्नेभन्दा अत्यन्तै सानो आकारको रहेको छ । केही समययता ठूला स्मार्टफोन बोक्ने प्रयोगकर्ता माझ सानो मोबाइल प्रति आर्कषण बढेको कुरा प्रति मध्यनजर गदैँ चाइनिज कम्पनीले ब्याट्रि टिक्ने, कम तौल भएको, बोक्न सजिलो र स्मार्टफोन बाट हुने सबै कामहरु गर्न मिल्ने फोन निर्माण गरेको जनाएको छ ।
के के छन् विशेषता?
‘जेली’ नामको यो स्मार्टफोनमा एन्ड्रोइड ७ नगटको अपरेडिङ सिस्टम रहेको छ । यसमा प्रयोगकर्ताले एन्ड्रोइड प्लेटफर्ममा आएका नयाँ फिचर सहितका एप चलाउन सक्छन् । सन् २०१७ मा लन्च भएको यो स्मार्टफोनमा १ जिबी ¥याम, १.१ गिगाहर्ज क्वाडकोर प्रोसेसर, ८ जिबी इन्टरनल स्टोरेज रहेको छ, जसले ३२ जिबी सम्मको मेमोरी कार्ड सपोर्ट गर्छ । साथै यो स्मार्ट फोनमा ८ मेगा पिक्सेलको मुख्य क्यामरा र सेल्फीको लागि २ मेगा पिक्सेल क्षमताको क्यामरा रहेको छ । यसमा दुई वटा सिम कार्ड, २.४५ इन्च एल्सीडी डिस्प्ले, ९५० एमएचको ब्याट्रि रहेको छ ।
यो ‘जेली’ स्मार्ट फोन सेतो, निलो र कालो गरी तिन रंगमा बजारमा उपलब्ध छ । यसको मुल्य अन्तराष्ट्रिय बजारमा ११ हजार रुपियाँ रहेको छ ।

पुरै पढ्नुहोस ।

यस्ता छन् टेलिकमका अफर

नेपाल टेलिकमले उपभोक्ताहरुको लागि विभिन्न सेवामा अफर प्याकेजहरु ल्याएको छ । बार्षिकोत्वसको अवसरमा उपभोक्ताहरुलाई सहुलियत र अफर दिने घोषणा उसले गरेको हो । टेलिकमका अनुसार एडीएसएल सेवाको गति माघ २५ देखि ५ एमबीपीएसमा स्तरोन्नति गर्ने जनाएको छ । यस्तै क्रस बिल्डिङ अन्तर्गत माघ २५ देखि तीन महिनाका लागि एडीएसएल सेवामा रिचार्ज गर्दा जीएसएम वा सीडीएमएमा डाटा बोनस उपलब्ध गर्नेछ ।

कम्पनीले जीएसएम एसेवातर्फ माघ २३ देखि फागुन ८ गतेसम्मको लागि भ्वाइस प्याकेजमा राती १० देखि बिहान ६ बजेसम्मका लागि ३ दिनका लागि ३५ रुपियाँ, अनलिमिटेड अलटाइम डाटा प्याकेजमा २४ घण्टाका लागि ५० रुपियाँ र अनलिमिटेड नाइट डाटा प्याकेजका लागि एक रातको १५ रुपियाँ शुल्क तोकेको छ ।

यसैगरी टेलिकमले माघ २३ देखि माघ २९ सम्म ५०, १०० र २०० रुपियाँको रिचार्जमा १० प्रतिशत र  ५०० र १००० रुपियाँको रिचार्जमा १५ प्रतिशत छुट दिने योजना पनि टेलिकमले सार्वजनिक गरेको छ । साथै पीएसटीएन सेवाग्राहीका लागि फागुन महिनामा थप २५ कल बराबरको रकम छुट दिइने टेलिकमले जनाएको छ भने माघ २५ देखि बैशाख २५ सम्म भारतमा कल गर्न २ दशमलभ २२ देखि २ दशमलभ ३३ पैसा प्रतिमिनेटमा सकिने गरी विभिन्न आकर्षक प्याकेजहरु ल्याइएको छ ।

यस्तै अन्तराष्ट्रिय आगमन कलमा ७ दिनमा ७ मिनेट भन्दा बढी कल भएमा कम्पनीको नेटवर्कभित्र कल गर्न तथा एसएमएस पठाउन बोनस प्रदान गर्ने पनि टेलिकमले जनाएको छ ।
‘नमस्ते क्रेडिट सेवा’

नेपाल टेलिकमले प्रिपेड ग्राहकको लागि नयाँ अफर ल्याएको छ । टेलिकले आफ्ना प्रिपेड ग्राहकको ब्यालेन्स सकिँदा सापटी दिन सुरु गरेको हो ।
टेलिकमले आफ्नो १४ औं वार्षिकोत्सवको अवसरमा ‘नमस्ते क्रेडिट सेवा’ नाम दिएर यस्तो सुविधा ल्याएको हो । यो सुविधा अन्तरगत नमस्ते प्रिपेड कार्डवाहक ग्राहकले अब फोन गर्दा गर्दै पैसा सकिएमा पनि कुरालाई निरन्तरता दिन पाउने छन् ।<

यो योजनाको पूर्ण कार्यान्वयन भने आगामी महिनाबाट हुनेछ । टेलिकमले यो योजनामा कति रकमको सीमा राखिने भन्ने बिषय टुंगो लाग्न बाँकी रहेको जनाएको छ ।

अब टेलिकमका प्रिपेड ग्राहकले बिना पैसा कुरा गर्न पाएको समय बराबरको रकम भने पछि रिर्चाज गर्दा काटिने छ । यो सेवा निज दूरसञ्चार प्रदायक कम्पनी एनसेलले केही समयदेखि सञ्चालनमा ल्याएको थियो ।

पुरै पढ्नुहोस ।